kampanaryo_spy wrote:
An mga Pato sa Tago kalidades,
an isa sa ila ako amistades.
Sherwin an iya ngan: guapuhay, buotan,
pero labaw sa tanan, kasaligan.
Si Sherwin mang gihuna-hunaon,
kon muoli may ako gayud polvoron.
Kas-a sapatos iya ako impadad-an,
"pero ayaw pagsaba" an pasidaan.
Si Sherwin hingataw-unon,
tingali kay lamii sa lagin ngipon.
An iya isab boses magana pa sa tentasyon,
naman di manalaw haw siya imo pakantahon.
Sa Batch '94 si Sherwin an fashionista,
naman si "Ato" magka acha-acha.
Pero anay unhon pa niyan lumanat, humaud,
kan Sherwin daan gayud siya maglisud.
Kon an Batch '94 mag lasmudan,
si Sherwin gihapon an namber wan.
An ininglis manggirabak raba dayon,
naman anay unhon, lisudi siya apason.
Sa chicks isab si Sherwin matinik,
listuhi sa babaye magpa agik-ik.
Pero magbantay lang sila haw inuman,
kay sa way pupananghid sila ka hagkan.
Si Sherwin isab makugi,
naman kit-an gayud an agi.
Pero mapa ubsanon gihapon,
bisan lisud-lisud na apason.
Kan Sherwin kuman birthday,
amo da ini an ako mahisulti:
Ipha an panalangin mo sa tagsa tagsa,
para masuta mo uno kadako an Iya gugma.
Pasalamati ug ibalik an tanan Kaniya,
para maimo an kadagaya na way sama.
HAPPY BIRTHDAY, MY FRIEND.
Sa imo mensahe kanaku, mintagdo an ako luha;
Kaysa tibook kung kinabuhi, wara ako disdi kadawat na tula;
Sin-oy magapalandong na makadawat kaw nan ha-ud ini kadayaw;
Sangko sa langit akong kalipay dili maikompara ug way makalabaw.
Salamat pag usab akong pinalangga na higala, K-spy;
Sa imo mensahi kanaku, mindaku an ako atay;
Sa ako kalipay dili masabot akong gibati,
Kay lagi wara man magpalandong sa imo tula na hingpit ug putli.
Login
FAQ
Search
In this world where everything seems uncertain, beyond words, beyond time and beyond distance, only one thing is definite. I feel blessed to be your friend.
