BRING HOUSE SA BARANGAY

Share your Tagon-on Jokes, Funny Stories, Humors, Expression..etc.

Moderators: kampanaryo_spy, cordapya

Post Reply
User avatar
kampanaryo_spy
CO-FOUNDER & SENIOR EDITOR
CO-FOUNDER & SENIOR EDITOR
Posts: 3570
Joined: Thu Mar 17, 2005 4:55 pm
Location: 13,750 feet above sea level

BRING HOUSE SA BARANGAY

Unread post by kampanaryo_spy »

(By special request, we are reprinting this Gitik-gitik from the previous incarnation of tagosds.org, the "Kahungan-hunganan nan Tago" blogspot)


Di ba uso an "barangay" haw Oktubre? Yaon dad-on ngani si Birhen Maria sa mga kabayan haw kantahan nan, "kay ugma sa gabii, kuhaon ra ikaw dinhi.”

Sa Purok Tambis mga dagko da gayud an puyde mo entra nan barangay, dihaw pareho sa iban na purok na puyde an mga bata, agad masuso pa. An Purok Tambis imbahin sa duha ka grupo: ka Winnie Curada an isa; ka Nita Manzano an isa.

An ka grupo ni Winnie Curada ag mahisawa kay inin si Winnie, mag serve na gani an hintungdan nan snacks, dili mukaon. Bug-os molaong: “aduy magda ako kan Diatabs (ila ido), kay ag raba dayon mudukpas kanako haw muoli ako.”

Ini na sulti ni Winnie waray pakapin kay tinuod gayud na ag siya dukpasan nan ila ido na si Diatabs haw muoli siya gikan sa barangay. An ila kahisaw-an kay in tuyo gud kuno pag andam nan hintungdan an pagkaon tapos kan Diatabs da baya singud.

Di ba trantay uno da ka adlaw an Oktubre? Demodo kay magsobra san mga bay, sa petsa 29, 30, ug 31, asta tagpila ka bay an baranggayan sa isa ka dum kay di sa gayud musugot an iban na laktawan sila; kinahanglan gayud nganiya ganid. An mamaranggayay lugar nan yaon sa tanto abay dapaw nan snacks, hiting-hiting na an mga tiyan---kakudsan nan lusa, laong pa nan ako ina.

An mga tao mag-ilog gayud kon sinoy pinaka huli na baranggayan sa October 31 kay ad-on ibilin an Birhen entiro tuig. Pasabot, entiro tuig sab kuno an grasya.

Yadto na tuig, an barangay nan October 31 magsugod ka Yo Pending Cejoco, mulatas ka Ya Posing Luna, ngadto ka Ya Awi Montero, mo escala ka Ya Pina Martinez ug musangko ka Yo Alping Prado.

Pagkahuman nan barangay ka Yo Pending, laong nan mga mamaranggayay, “di dakan kami mangaon, amo dakan dad-on.” (di ba talent ini nan Tago-on? :-D ) Putos nganhi, putos ngadto. Pag-duot ka Ya Posing, amo gihapon: putson dakan, kay nganiya taraw gadali kay maarang pa na kabayan an navigaron ni Mama Mary. Laktud an mga mamaranggayay unsay mga baksidor, hurot mga kinumo an alima kay puno nan “bring house.”

Sa katapusan, minsangko na sila ka Yo Alping. Adesir magsugod an rosaryo, mangluhod. Demodo sigbutang nan ila mga pinutos sa bantaw na Yo Alping. Adto sa una si Marianita, an magbasahay sa grupo na Winnie Curada. Imbutang niyan iya taguda sa iya kilid sa bantaw na Yo Alping, yanguros, haw gasugod pag rosaryo.

Sa kaliwa, tres metros gikan kan Marianita, ka Yo Alping kusina na pinabyunan. Sa likod nan pabyon, may gapaniid na pagalabdan na daan nan iya u paghikita niya sa bantaw nan mga pinutos na mga makuyam-kuyam na an iban yanag mantika (pansit na lugar yaon na galama sa putos astan pan na binutangan nan Star margarine na sinaburakan nan asukar na puwa etc).

“Maghimaya ka Maria,” laong ni Marianita.

Hinay-hinay ya wasi an pabyon nan kusina na Yo Alping. Min-gawas an itom na kuding, gahinok ug minlakang pasingud sa pagkaon na taguda ni Marianita.

“napuno ka sa grasya,”

Minlakang an kuding, gapa idudud na sa pagkaon.

“Ang Ginoo ma-anaa kanimo.”

Masurot na manilap an kuding sa iya simud kay hapit na sa pagkaon, gapanimaho na. Sa likod ni Marianita, unsay paga San Anton (yaon igusom na di kaw kalihuk) sa Winnie, impan-tanungan kon unhon nila pagparar an kuding na dili maguba an salida nan pangadji.

“Bulahan da ikaw sa babaye nga tanan.”

Nganhi na parte, inkasip-atan na ni Marianita an kuding na gapa idudud. Inkulba siya kay sa iya siguro huna-huna: "mananap na kuding, ma iskuhido inin ako dad-unon na maarang raban gahuwat sa bay."

Pero kay an motto ni Marianita "the show must go on" sa, demodo padayon siya.

“Ug bulahan… da…"

Apikihi na gayud an kuding.

"ikaw…sa……mga…"

Inpagawas nan kuding an dila. Gakuba-kuban dubdob ni Marianita.

"babaye…nga……tanan……."

Intilapan nan kuding an putos.

"ug....bulahan.. usab...ang...SAPEEEEEEEHH!!!!!!!!!

Inkayasan, minkayot an kuding!

Hukad an tanan mananabat nan kinatawahay. Laong ni Ya Posing, iya bagan gayud kuno inkit-an si Mama Mary na gadukih-kih!
"Most claims of originality are testimony to ignorance and most claims of magic are testimony to hubris." -James March-

User avatar
ramojs93
Certified Member
Certified Member
Posts: 190
Joined: Fri Dec 15, 2006 4:57 am
Birthday: 28 Oct 1974
Location: Taga Sapa/Florida
Contact:

Re: Bring House sa Barangay

Unread post by ramojs93 »

Kamps,
lingawi gayod ako na gabasa...Gada garo siya nan payong para adto niya itago an pinotus.. :lol: :lol: :lol:

User avatar
toyang
Devoted Member
Devoted Member
Posts: 610
Joined: Sat Sep 08, 2007 8:20 pm

Re: Bring House sa Barangay

Unread post by toyang »

Kamps,

:lol: :lol: :lol: Sakto ko kay gayud ini na inutotay ngay-an kay wara pay luon nan tiyan ko,
dipalita nan nginangahay ko abay katawa. tama na kuding sali sa gayud mo extra sa eksena. ha ha ha ha ha ha!
Don't get disappointed when God doesn't give you what you want... For he knows the
best time for you to have it...

User avatar
kampanaryo_spy
CO-FOUNDER & SENIOR EDITOR
CO-FOUNDER & SENIOR EDITOR
Posts: 3570
Joined: Thu Mar 17, 2005 4:55 pm
Location: 13,750 feet above sea level

Re: BRING HOUSE SA BARANGAY

Unread post by kampanaryo_spy »

yadi an part-2 nan yaon na gitik-gitik.

human maka pasar nan nursing board exam, si bobot baguhin min-uli sa tago kay mag boluntaryo sa hospital nan tandag.

isa da si bobot na gahuya sa ila bay na an amo tawag music museum kay antigo sa lagi. adto kami mga barkada maga guma kay magana istambayan, hayahay plus maarangin pindang na da nan iya mama gikan sa sumo-sumo.

abot an Oktubre. laong nan iya silingan na mga hinuod, "bobot sa iyo ngay-an an barangay."

"oo," laong nan nurse.

pila da say sugilanon, successful an barangay sa music museum.

pagka silom duty na si bobot sa hospital. tapos duty, iban siya ka alex donasco (patay na raba) para mo gimik.

hayon-hayon na min-uli si bobot sa tago. madudum na. sa bay pa daan na bebing cosmiano, yahangaw na ni bobot an mga hinuod sa unahan na eskina: si anhin titay cuarteron, bende ramirez, emma ramirez, peran, anhin angie, ug uban pa.

smiling-ngi taraw si bobot na ga paso. paghi apiki niya, taas pa sa sa kampanaryo an kilay nan mga hinuood. smile gihapon si bobot, bisan yatinga.

"diin sa kaw?" laong nan isa sa mga hinuod.

sa huna-huna ni bobot, "kay nanga, unoy labot niyo?" pero kay inin ms. congeniality sa lagi siya, an iya tubag: "anay sa tandag, yabaag."

"longga via sa gayud," yanamila na laong nan hinuod. "ka way puangod mo. sayunan kaw nan tulo ka adlaw kaw ya wa. yalaas kamin hinuwatay."

yatinga si bobot.

"amo kay. wa lugar siya mag huna-huna," laong nan isa.

paga pamungtan na si bobot, pero ga pugong.

"kay unoy sah ko?" laong niya.

ga tinan-away an mga tao. abtiki mo tabikung si emma ramirez, gapugong kay kapur-akoni na.

laong dayon ni ya titay, "unhon namo pagkuha nan mahal na birhen na paga gangutan mo sa sa iyo bay!"

Yanguros si bobot. "HesusGinooKo!"

Laktud, tulo ka adlaw si Mama Mary ya house arrest sa Music Museum. dobol taym nan rinosaryuhay an taga purok calamansi.
"Most claims of originality are testimony to ignorance and most claims of magic are testimony to hubris." -James March-

User avatar
toyang
Devoted Member
Devoted Member
Posts: 610
Joined: Sat Sep 08, 2007 8:20 pm

Re: BRING HOUSE SA BARANGAY

Unread post by toyang »

K-spy,

Wa pa sa lagi ma uso naadi inin cellphone. iton, di in abtan nan tulo ka adlaw si Mama Mary sa music museum. :lol: :lol: :lol:
Don't get disappointed when God doesn't give you what you want... For he knows the
best time for you to have it...

User avatar
kiboglets
Devoted Member
Devoted Member
Posts: 552
Joined: Thu Nov 15, 2007 7:25 am
Birthday: 16 Oct 1971
Contact:

Re: BRING HOUSE SA BARANGAY

Unread post by kiboglets »

kampanaryo_spy wrote:
Laktud, tulo ka adlaw si Mama Mary ya house arrest sa Music Museum. dobol taym nan rinosaryuhay an taga purok calamansi.


k-spy,

yalaming baya adto si Mama Mary! amo da baya nan itik na ihawunon. ](*,)

yobob
Occasional Member
Occasional Member
Posts: 37
Joined: Mon Feb 25, 2008 12:46 pm
Birthday: 09 Aug 1974
Contact:

Re: BRING HOUSE SA BARANGAY

Unread post by yobob »

k-spy, salamat gayud, gatiyaho na kami ni mama nan kinatawahay, kriminali sa kaw gayod!

User avatar
kampanaryo_spy
CO-FOUNDER & SENIOR EDITOR
CO-FOUNDER & SENIOR EDITOR
Posts: 3570
Joined: Thu Mar 17, 2005 4:55 pm
Location: 13,750 feet above sea level

Re: BRING HOUSE SA BARANGAY

Unread post by kampanaryo_spy »

yobob,

hinay-hinay kamo ngaton kay basin makag-CPR si kiboglets kaniyo. :-D
"Most claims of originality are testimony to ignorance and most claims of magic are testimony to hubris." -James March-

Post Reply