Tagosds.Org Discussion Board

Laong nila an taga Tago kuno para-away pero hanugay. Mamingawuni naman ganahani mandahap-dahap nan notisya. Naman ini na pabyon inhimo para kita na mga Tagon-on magkasinusihay, magka-binayluay nan mga gilaong, nan notisya, nan kaayuhan.
It is currently Thu Dec 14, 2017 12:39 am

All times are UTC + 8 hours




Post new topic Reply to topic  [ 10 posts ] 
Author Message
 Post subject: AN SINE NAADI
Unread postPosted: Thu Apr 24, 2008 10:52 am 
Offline
CO-FOUNDER & SENIOR EDITOR
CO-FOUNDER & SENIOR EDITOR
User avatar

Joined: Thu Mar 17, 2005 4:55 pm
Posts: 3570
Location: 13,750 feet above sea level
(Ini na sugilanon insugid kanako ni Madugom, ako tagurha sa side ni mama sa Lapaz. Asawa siya ni Andres Cuarteron. Ya post na ini sa una sa tago blogspot pero di ko na masubay haw hain adto singud.)


Dos anyos pa lang, paga adopt na si Madugom nan iya ina-on na adto maghuya sa Sitio Mangga, Madrid, Surigao del Sur. Inin Mangga sudlunon, ug kay sitio sa lagi, mamingaw.

Buotan ug responsable na bata si Madugom: malami magluto, maputi maglaba, maumot manguhan dugi nan ukban para amoy ihinawo nan tungaw na ga kudingkudingan sa itlog nan iya mga lumon human maglinaap-laap sa kalati-an.

Gawas nan pangaligo sa suba, mamako, manirador nan langgam, manguhan agutay (gagmatiting na saging na amoy ag hakhakon nan mga amo), gadako si Madugom na radyo day gayud kalingawan. Tanan butang na wara sa Mangga sa radyo niya mabati. Isa na nan ini an sine. Mga mid 60s ini na panahon, demodo wara pa gayud makakita nan sine si Madugom kay adto sa lagi maghuya sa sidsid nan langit.

Naman grabe an kalipay ni Madugom nan isa ka adlaw minlaong an ila silingan na mag sine kuno sa Madrid sa Sabado. Sa huna-huna ni Madugom: kuman makakita na gayud akon sine; manglihuk raba kuno an mga tao sa dako na telon, amoy laong ni cedric tumulak sa DYHP.

Para tugutan, minhilabi ka buotan si Madugom nan yadto na mga adlaw. Ug laktud min-abot an Sabado, ga grupo sa Madugom. Isip lider iya paga ihap---15 sila ka buok.

An distansya nan Mangga sa Madrid mas o menus otcho ka kilometro. Kay wara say sakyanan, ga-baktas sa Madugom. Uno san otcho ka kilometro kon itandi sa kalipay na makakitan sine?

Alas singko y media, navigar na sa Madugom sa Madrid. Pag abot nila sa Madrid, kaliwa tuo an ila pangutana haw tinuod na may sine. Bagan mabuskag nan menudinsya ni Madugom sa kalipay. Derecho sila sa plaza kay adto kuno magsalida.

Arangin tao sa plaza. Dapit sa basketball court, may gamay na sakyanan na puti; sa kilid nan sakyanan may suwat na DLGCD.

Alas siete, alas otcho, wa pa gihapon mag sugod. Dili na masih-sih an tao sa plaza. Paga gusla na sa Madugom kay wara say panihapon, way isab ila da na cuarta.

Alas otcho y media gasugod nan sine. Yangingkud sa Madugom apiki gayud sa telon. Ga diskurso pa an taga DLGCD pero waray yamati kay tanan hinam-hinam na gayud.

Minsiga an telon haw gakidlap kidlap. May mintunga na lingin na may magkatuyok na amo dan sa relo. taud taud mintunga an numero na 9. Kidlap na sab, numero 8. Kidlap na sab, numero 7, hangtud min abot sa zero.

Ug minbutwa an title: UNSA ANG FAMILY PLANNING?

Haw amo ini an hulagway na minsugat ka Madugom:




Image

Gikan pagsugod hangtud ya tapos, hurot mga kabdos an gapuli puli pag tunga sa telon na kibale yanag fashion show: may gakagikam, may gapanaw na bakang, may paga hilot, may inbuthan nan panubigon. Anay tanan lagi!

Tunga-tunga pa daan mintindug na si Madugom, paga pang bilwa iton iya iban kay gahagad na manguli na sila.

Tagad sila ga baktas pasingud sa Mangga min-uwan. Minhilabi an kalangut ni Madugom. Laong niya: amoy taraw in-angutan ta iton tama na sine, mga kabdos da sa baya; kabakhan ko lugar kanila haw inpangaluha-an sila. Sidangay pa mag otro ton karaho na sine!

Minlabay an isa ka tig-ani. May sine na isab sa Madrid.

“Di na gayud ako,” laong ni Madugom human siya sultihi haw hagada nan iya amiga na mangita na isab nan sine.

“Kay nanga di kaw?”

“Kabara. Basin mga kabdos na isab aton. Sidangay pa. Kamo dakan,” laong ni Madugom.

“Bah! Permi dakan baya family planning. Lain na lagi isab kuno. Hala na.”

Abay huna-hunaon ni Madugom: basin agaw lain na an isalida, amo? Bagan ka dakui na disgrasya haw ako day di makakita.

Laktud minsugot si Madugom pero gapa lugos taraw.

Baktas na isab an ila grupo pasingud sa Madrid. Pag-abot ngadto, sigpangutana dayon sila sa mga tao.

“May sine?”

“Oo.”

“Family Planning?”

“Dili. Lain na sab kuno.”

Pagasikdo nan iya iban si Madugom, “tan-awa. Ilang-an ta kaw!”

Gadagan sa Madugom pasingud sa plaza. Pag-abot, inhanap dayon ni Madugom yadton puti na sakyanan na may suwat na DLGCD. Wara. (Ambaya yanihapon an operator astan driver.) Lipayi si Madugom. Bag-o gayud ini na sine, laong niya.

Alas otcho gasugod an sine. Pareho naadi, yangingkud sa Madugom apiki gayud sa telon.


Minsiga an telon haw gakidlap kidlap. May mintunga na lingin na may magkatuyok na amo dan sa relo. taud taud mintunga an numero na 9. Kidlap na sab, numero 8. Kidlap na sab, numero 7, hangtud min abot sa zero.

Ug minbutwa an title: UNSAON PAGSUMPO ANG SCHISTOSOMIASIS?

Ug amo ini an hulagway na minsugat ka Madugom:



Image

astan ini

Image


_________________
"Most claims of originality are testimony to ignorance and most claims of magic are testimony to hubris." -James March-


Top
 Profile  
 
 Post subject: Re: AN SINE NAADI
Unread postPosted: Thu Apr 24, 2008 11:05 am 
Offline
Devoted Member
Devoted Member
User avatar

Joined: Thu Nov 15, 2007 7:25 am
Posts: 552
Birthday: 16 Oct 1971
k_spy,

bwahahaha. bagan si madugum mopatay na gayud nan kalangut na sine kay dili family planning pero singkatar kabdus gihapon an yanlugwa sa telon. ](*,) ](*,) ](*,)


Last edited by kiboglets on Thu Apr 24, 2008 5:28 pm, edited 1 time in total.

Top
 Profile  
 
 Post subject: Re: AN SINE NAADI
Unread postPosted: Thu Apr 24, 2008 12:07 pm 
Offline
CO-FOUNDER & SENIOR EDITOR
CO-FOUNDER & SENIOR EDITOR
User avatar

Joined: Thu Mar 17, 2005 4:55 pm
Posts: 3570
Location: 13,750 feet above sea level
kibs,

basta pag istorya ini kanako ni madugom mapatay akon kinatawahay. ga sakay kami nan yadto sa tricycle, basta huna-hunaa, impa derecho ko siya ka japan kay wa pa sa mahuman an istorya tapos mo kanaug na siya sa eskina na ya eta pontevedra. :-D

_________________
"Most claims of originality are testimony to ignorance and most claims of magic are testimony to hubris." -James March-


Top
 Profile  
 
 Post subject: Re: AN SINE NAADI
Unread postPosted: Thu Apr 24, 2008 12:52 pm 
Offline
Devoted Member
Devoted Member
User avatar

Joined: Sat Sep 08, 2007 8:20 pm
Posts: 610
K-spy,

wahahahahahahahahahahahahahahahahahahahahaha! kabdos gihapon an salida galing kay laki na. :lol: :lol: :lol:

Aduy an tungaw. pila kaha kabook an mag makuha ni madugom na gamit an dugi nan ukban. :lol: :lol: :lol: :lol:
bagan kay anhi maka relate ako kay mag isab mag "trudin" an tungaw sa ilok hastan sa pusod ko naadi. hahahahahahahahahahahaha!

_________________
Don't get disappointed when God doesn't give you what you want... For he knows the
best time for you to have it...


Top
 Profile  
 
 Post subject: Re: AN SINE NAADI
Unread postPosted: Thu Apr 24, 2008 10:04 pm 
Offline
CO-FOUNDER & SENIOR EDITOR
CO-FOUNDER & SENIOR EDITOR
User avatar

Joined: Thu Mar 17, 2005 4:55 pm
Posts: 3570
Location: 13,750 feet above sea level
bah yang, ag baya isab manag dait an tungaw sa ilok mo? kailo da nan tungaw! :-D

_________________
"Most claims of originality are testimony to ignorance and most claims of magic are testimony to hubris." -James March-


Top
 Profile  
 
 Post subject: Re: AN SINE NAADI
Unread postPosted: Thu Apr 24, 2008 10:18 pm 
Offline
Devoted Member
Devoted Member
User avatar

Joined: Sat Sep 08, 2007 8:20 pm
Posts: 610
K-spy,

Uno paping! uso yaon haw tig ani kay adto sa ako nan yaon maga guma sa basakan. wat is hawagi mag ik-ikan sa basakan.
pag uli ko sa bay usahay magpuluho na panhugas diretso ligid sa higdaan. pagkasilom an ilok ko unsay dinaro kay yanlabhag na nan kinawutay. :lol: :lol: :lol:

_________________
Don't get disappointed when God doesn't give you what you want... For he knows the
best time for you to have it...


Top
 Profile  
 
 Post subject: Re: AN SINE NAADI
Unread postPosted: Sat Apr 26, 2008 10:06 am 
Offline
Certified Member
Certified Member
User avatar

Joined: Fri Dec 15, 2006 4:57 am
Posts: 190
Location: Taga Sapa/Florida
Birthday: 28 Oct 1974
K- Spy!
Kalo-oy sab, iya na pa-ga angutan pero family planning da baya! Tawahi ako! :lol: :lol: :lol: :lol:


Top
 Profile  
 
 Post subject: Re: AN SINE NAADI
Unread postPosted: Wed Apr 30, 2008 8:27 pm 
Offline
Co-Administrator & Editor
Co-Administrator & Editor
User avatar

Joined: Tue May 31, 2005 3:58 pm
Posts: 501
Location: Quezon City, Philippines
Birthday: 23 Jun 1982
K-spy,

Bagan si Brent yasakit sa ako na sige akon katawa na wara siya kasabot ug kahibawo unoy kataw-anan. :-D

Had a really good dose of laughter on this one.

_________________
" In Life, God doesn't give you the people you want; instead, He gives you the people you need; to teach you, to hurt you, and to love you, and to make you exactly the way you should be... SMILE! For, Life will always be, B-E-A-Utiful. "


Top
 Profile  
 
 Post subject: Re: AN SINE NAADI
Unread postPosted: Tue May 13, 2008 7:10 pm 
Offline
CO-FOUNDER & SENIOR EDITOR
CO-FOUNDER & SENIOR EDITOR
User avatar

Joined: Thu Mar 17, 2005 4:55 pm
Posts: 3570
Location: 13,750 feet above sea level
COLETZ wrote:
K-spy,

Bagan si Brent yasakit sa ako na sige akon katawa na wara siya kasabot ug kahibawo unoy kataw-anan. :-D

Had a really good dose of laughter on this one.



HAHAHAHA aduy daan kaw gayud ni brent. sige lang kay pagdako niya hubidon mo da sa iya an sugilanon. daan but-ukan isab iton nan kumatawa. :-D

_________________
"Most claims of originality are testimony to ignorance and most claims of magic are testimony to hubris." -James March-


Top
 Profile  
 
 Post subject: Re: AN SINE NAADI
Unread postPosted: Fri May 16, 2008 9:20 pm 
Offline
Thread Moderator
Thread Moderator
User avatar

Joined: Tue Sep 27, 2005 9:24 pm
Posts: 2182
Location: Green Gables, Prince Edward Island
K-SPY,

BWUAHAHAHAHAHHAHAHAHA.. MADAYAWI KAW GAYOD MO HAN-AY NAN ESTORYA. PLASTARI, LAMII PAGKA SAPID AN WORDS. I LOVE IT. DAUG MO AN "THE BEST OF LOLA BASYANG". :D KEEP IT COMING. THANKS FOR THE GOOD LAUGH :-D

_________________
"Be who you are and say what you feel, because those that matter... don't mind and those that mind... don't matter." Dr. Suess


Top
 Profile  
 
Display posts from previous:  Sort by  
Post new topic Reply to topic  [ 10 posts ] 

All times are UTC + 8 hours


Who is online

Users browsing this forum: No registered users and 1 guest


You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum
You cannot post attachments in this forum

Search for:
Jump to:  
cron
Powered by phpBB® Forum Software © phpBB Group