Tagosds.Org Discussion Board

Laong nila an taga Tago kuno para-away pero hanugay. Mamingawuni naman ganahani mandahap-dahap nan notisya. Naman ini na pabyon inhimo para kita na mga Tagon-on magkasinusihay, magka-binayluay nan mga gilaong, nan notisya, nan kaayuhan.
It is currently Tue Dec 12, 2017 10:11 pm

All times are UTC + 8 hours




Post new topic Reply to topic  [ 3 posts ] 
Author Message
 Post subject: Jing-jing Gip
Unread postPosted: Wed May 28, 2008 4:43 pm 
Offline
CO-FOUNDER & SENIOR EDITOR
CO-FOUNDER & SENIOR EDITOR
User avatar

Joined: Thu Mar 17, 2005 4:55 pm
Posts: 3570
Location: 13,750 feet above sea level
Classmates si Helena Soledad ug Jaime Cuyos (RIP) sa Falcon Elementary School. Kay panahon sa nan Pasko, demodo may exchange gifts. Anhi gaka-problema si Helena.

“Uyayud sa lagi sa Tatay, way mahipalit nan pang jing-jing gip,” laong niya.

Pero bisan dinawat niya an ila kahimtang, gaka-puraut gihapon an huna-huna ni Helena. Sayunan kaw isab agaw nan ikaw day dili maka-entra nan Christmas party. Isa pa, daan na paga-almiduran nan iya nanay an karaan na sayal ni Helena por aber mo abot an Christmas party. Bisan karaan na, permi ni Helena paga tan-aw an iya sayal na tungod sa katiskug nan almidor, gatindog kibali inkabiya-an na hawak nan ayok dapit sa ila sugigi. Sa huna huna ni Helena, “matay haw masukbot ko yaon, singkitar sa gayud kanako ga sayal nan salbaro na sali dayon manlagiti pag ingkud ko.”

December 15 an Christmas party. Sayo pa ga-urangag na si Helena kay galaong sa gayud an iya Tatay na ningari agad badi, waray gayud iya kwarta na ipalit nan gift ni Helena na balor 50 centavos. Intawon si Helena, gapahipi na gahibi. Abay niya huna-hunaon: ay, ay bibuhi sa gayud an mga classmates ko ngay-an. Ug sa takulahaw kibali may bombilya na minsiga sa iya alimpatakan. Min pahiyom si Helena na kibale ba-u na inlabak sa suba.

Alas dos, larga na si Helena pasingud sa Falcon, sinipit an iya gift. Pag-abot sa ila room, mapasigarbuhon gayud taraw si Helena na implastar an iya gift tapad nan gifts nan iya mga classmates na sapian. Sa iya huna-huna: aton kaw, dako da sa gani an gift ko sa iyo!

Bunot-bunutan na. An yahugot ni Helena kan Jaime Cuyos (kahungan-hunganan da ini sila sa bayog nan mga Morse nan La Paz). Paghiatul isab na an yabunot ni Jaime an gift ni Helena. Jing-jing gip gayud na tal.

Inhinay-hinay ni Helena pagbukag an gift ni Jaime. Minkugpa an iya kasing-kasing sa iya tilaukan paghikita niya nan sud: 2 ka Serg’s, 6 ka Curly Tops ug isa ka 7M Soda Crackers.
ImageImage Image

Sa atbang, paga sip-atan ni Helena si Jaime na pagahinay-hinay isab pagbukag an iya gift. Gakuba-kuba na daan an dubdob ni Helena kay bagis raba inin si Jaime. Paglingi gayud niya kan Jaime, languti na paga alsa ni Jaime an iya kinumo. Sutoy si Helena pagdagan sa gawas. Minkayot isab si Jaime sa gawas, pagalanat si Helena. Tuyok-tuyok sila sa Falcon, singkitar yanag kuding-kudingan.

Laktud yaparar da gayud si Jaime nan ila maestro na si Mr. Angi Ramirez. Laong dayon ni Sir Ramirez, unoy Jaime sa ni Helena na maabay mo sa lanton?

“Way batasan, Sir. Kalamii lugar nan iya yabunot sa ako, tapos inin iya, aya kita pagpa-ututa!”

Mindungo si Helena, ga dag-um nan mga mata.

”Abi sambilawon ko,” laong ni Sir Ramirez.

Hinay-hinay inbukagan ni Sir Ramirez an gift ni Helena kan Jaime. Sa karton nan Eveready Battery minkugpa an kuding sa numero 9.

“Sus, mahamok galing inin sud Jaime kay dako sa inin karton,” laong ni Sir Ramirez.

“Tan-awa Sir kon unoy sud,” laong ni Jaime.

Pagtan-aw pa na ni Sir Ramirez astan ila mga classmates sa gift ni Helena: unsay mga tinubli na yangdalin-dalin an mga kamote na ga asuhay pa taraw, puno nan mga muh-muh kay in-lamay sa ila sinun-ad nan pani-udto!


Image

_________________
"Most claims of originality are testimony to ignorance and most claims of magic are testimony to hubris." -James March-


Top
 Profile  
 
 Post subject: Re: Jing-jing Gip
Unread postPosted: Thu May 29, 2008 1:15 am 
Offline
Website Benefactor
Website Benefactor
User avatar

Joined: Thu Mar 17, 2005 8:26 am
Posts: 820
Location: Dap-dap/Michigan
Spy,way gayud makalabaw kanimo!bravo kaw gayud!an ako kilid sakiti na abay duki -ki.kalamii ad on pina ibabaw sab na saging sa kan on.

bibuhi gayud an jing -jing gip ,amp?


Top
 Profile  
 
 Post subject: Re: Jing-jing Gip
Unread postPosted: Thu May 29, 2008 7:49 pm 
Offline
Certified Member
Certified Member
User avatar

Joined: Fri Dec 15, 2006 4:57 am
Posts: 190
Location: Taga Sapa/Florida
Birthday: 28 Oct 1974
:roll :roll :roll :roll :roll Spy! this remined me gayod na-adi na pag maga sun-ad ako lunod gayod nan kamote na ma-ankot, tapos duno-ton dayon sa kan-on with dipping sauce from the hato na ginamos, YUM =P~ =P~ =P~ =P~


Top
 Profile  
 
Display posts from previous:  Sort by  
Post new topic Reply to topic  [ 3 posts ] 

All times are UTC + 8 hours


Who is online

Users browsing this forum: No registered users and 1 guest


You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum
You cannot post attachments in this forum

Search for:
Jump to:  
cron
Powered by phpBB® Forum Software © phpBB Group