Amo agaw ya-on siya Si Ningning si Armelinda. Ako na ya roll-out kay ga-estorya kami si Mama kaina. Mama said: na yadton si Ningning baya permi gihapon sa bay nan yadton gamasakit na siya. Maglibod kan Mama kay si Berto na iya agaw bana, before yadto magtrabajo sa NIA, makinista nan uncle ko sa gilingan, kanaman kilahi isab na Papa si Berto. Esta bien. Small world.
Nan pagpaka antique na ni Berto yakapalit sila nan bay sa Dumaduma. Pero yadto na panahon adto na ako sa Cebu mag-reside. I left the Philippines 1986/87.
Going back nan elementary pa kami si Ningning. May yahitabo na dili ko gayod hikalimtan nan amo pasugod na pagkahigala. Inin si Ningning inkawag-an nan iya lapis/ballpen. Tapus may amo test nan yadto na panahon. Ako in tunga an ako lapis kay ako inhatag an tunga kan Ningnig. Inhatag ko an may la-is na da-an kay gusto ko an an ako may erasier. pero kinahanglan ko laisan kay para ko magamit pagsuwat. Blade an ako inla-is. Tapus yasamad ako kay minlibkas sa an blade sa lapis so yagkadugo an ako alima hasta an ako bado. Inda ako ni Iya Nostring sa Dormitoryo kay adto sa lagi an ato school clinic sa una, iban ko si Ningning. Iton isab Madre na nurse inbutangan iton ako samad nan "tenture of iodine", ay ay hapdosi. Misiyagit ako da an tiyaho na an pikas ko na alima gahawig kan Ningning kay pagagiba sa ako ni Iya Nostring. Si Ningning pagahuyop an ako samad hasta da nan tiyaho kay yalo-oy kanako. Amo yadto an amo sugod pagka-amiga.
Maluyahon nay na bata yadton si Ningning, permi cuyapan sa simbahan. Amo lagi paypayan. Very fragile gayod yato siya. Magpalit kami nan rolling-bayan na supas man isab namo tunga-on. Kon siya o ako an makapalit, hala tunga. Kon balikutcha isab, alsa an tuhod, haw ihampak an balikutcha. Otod lagi sa tunga.
Ya-on da lamang tungab-tungab an bawal kanamo, kay instruction/rule nan amo Nanay Tinay na "ginadili an pag-imum nan inim nan nan iban na tao". (BAWAL to share the laway. kay very unsanitary) Ayay yadto kay isab si Ningning an magdadagay nan kaimito sa likod nan amo bay. Listohi modag amo da nan amo-ay, kay gamatuyay sa lagi. Man si Papa magla-ong: "Cordapya, pauli-a na iton si Ningning kay hanapon kay iton nan ina." Pero enjoy sa isab kami nan dinuwa-ay, bisan uno dakan ankadumdum-man. Man dakan pasugu-an ni Mama an Nanay ni Ningning na sa bay dakan si Ningning magdum. Maglampariya gud lamang kami magduwa nan "Jack stones". Listohi isab yadto. abo na an "shooting star" na pagala-ong, ayay lupad lupag lagi an mga bato hasta an alima nan inapasay. Pero weekend da isab kami iban, dili kon adlaw-adlaw. Happy yadton amo childhood, permi gaka-on. Wara say bagan pagabati namo nakalisod nan yadto napanahon. Simpli da sa gud an kinabuhi sauna. Wara pay mga gameboy, computer, etc.etc. Tapus an tanan ta duwa-an puro homemade. Free.
Wara na ako sa Pilipinas nan si Ningning yamatay. May she rest in peace. I know she is happy wherever she is now.
...singkitar kaw itun mopusdakay na uwan...inmingaw sa lang ako kan auntie 
: