KASAL, SALAPATI, PANTY

[kampanaryo_spy]

May inkasal sa Duma-duma tapos an reception dapit sa simbahan nan Iglesia ni Kristo. Demodo kay kasal sa, may salapati gayud. Kuman kay wara say kampana na uway, balde na mint green an ingamit kay amo say "motive."

Adesir imbitay an balde sa kisame, in dekoraran nan pinaburi-ad na crepe paper na mint green. Pagkatapos, intabunan nan carton an bah-bah nan balde para dili maka-ipsot an mga salapati. Para ma release an salapati, birahon nan kinasal an pisi na gabitay na amo da kadako nan hukot sa kabaw na pinalit ka ‘yo ligid na in-utangan nan david.

tapos kaon, ritwales na. tindug an kinasal haw gapatungod sa balde na may salapati. Gakidhat an emcee sa kinasal na human uno-dos-tres bikyahon nilan hukot.

Uno-dos-tres!

Bikya an mga kinasal. Min-ungot an tak-ob.

Uno-dos-tres!

Bikya. Min-ungot gihapon.

Ga senyas an emcee sa kinasal na duruhon pagbira.

Uno-dos-tres!

Toink!!!!!

Tagungka dan u nan bride kay yaluhit san balde sa kisame. Yanga huh-huh an mga salapati haw gasigbagan kay ya ukang an bah-bah nan balde. Didto mo tugdang an balde sa u nan bride na singkitar amoy iya headdress!

Dali-dali na inluhit nan groom an balde sa u nan bride haw kusong-kusunga nan hawok an bride. Palakpakan an mga tao.

Gakisi-kisi an bride na minlugnot sa groom, haw paglaong: pagpuyo kamo, makudo kay anhin butoy ko.

(Ma imadyin ta dakan na ga honeymoon sila may gapungkoy na butoy na baya santol kadako sa alipudhan nan bride.)

Padayon an ritwales---garter and bouquet throwing na.

maartehi an yakatamok nan bouquet, de mini skirt. demure taraw na gatakilid pag ingkud sa puti na mono block chair na waray sandi-anan.

laong nan emcee: ok, requesting the gentleman who has the garter to slip it over the leg of this beautiful lady here.

mindud an laki; indiwit nan babaye an iya bitiis. in susug nan laki an garter, galing kay yasipog sa taraw siya, kutob da sa siki nan girl an garter.

HIGHER! laong nan emcee.

in-alsa nan laki an bitiis nan babaye.

HIGHER!

Intukay na isab nan laki an bitiis nan babaye.

an babaye yakuga kay wa magdahum na imbis kay an garter an ipata-as an iya na sa hinuon bitiis. inligpitan nan babaye an iya mini skirt kay gasugod na pag pamintana an iya SOEN.

HIGHER, laong na isab nan emcee.

intukay paghilabi nan laki an bitiis nan babaye, kibali siya ido na ga "carry one" sa haligi. sa tanto pumugong nan babaye, dabag-ak siya sa ingkudan adesir madayang. Basta wara manghalin-halin ton iya panty. An kagana lamang kay mint green isab.

At least, “motive” gihapon.

[toyang]

Toink!!!!!
Tagungka dan u nan bride kay yaluhit san balde sa kisame!

K-spy,

hahahahahahahahahaahahah matay kalaini raba gayud yaon katiyahooni nakaw nan kasakit pero dili kaw puydi mag urangag kay damoin tao. yaon maga ilog an katiyahoon hasta an linugos taraw na pahiyum.

ha ha ha ha ha dayon ko sud sa kwarto haw panhamad nan amu dakay kutob.

[kiboglets]

k_spy,

kun didto ako, ako gayud singgitan an laki an abay tukay tun bitiis ni ms. mini skirt na " FIRST TIME MO?"
sali sa lugar siya maadag na bitiis an iya in " HIGHER " imbis na garter.

[iCeprIncEsS]

bwahahahaha!!!

[Insomada]

Madayao kay ini. Pampawa nan kakapoy. Pero an mataro kay yakatir-is sa ako na gabasa......

[kiboglets]

Madayao kay ini. Pampawa nan kakapoy. Pero an mataro kay yakatir-is sa ako na gabasa......

mana insom,

naman kun anhi kaw ini na "HILO" magsukbot kaw daaan nan diaper kay para ready hibawo na kaw sa kan k_spy.
He's the only person who can make me laugh while crying